Spjallreglur og spjallstjórnendur
Við erum mjög stolt af samfélaginu okkar og sérstaklega spjallinu og virkninni. Á Hattrick spjallinu eru margir útnefndir stjórnendur (MOD) sem hafa það megin markmið að hjálpa notendum sem þurfa hjálp og einnig til að halda spjallinu hreinu. Þegar þú heimsækir spjallið eiga almennar reglur um hegðun ávalt við eins og alltaf, en sumar spjallrásir hafa ákveðnar viðbótarreglur og er hægt að finna þær límdar á fyrstu síðu spjallsins. Stjórnendur hafa algert yfirvald til þess að refsa á viðeigandi hátt, með aðvörunum og bönnum á spjallrásum.
Leikjastjórnendur (GM) hafa einnig sömu réttindi og spjallstjórnendur (MOD) og geta tekið á alvarlegum brotum (sem geta leitt algjörar brottvísunar úr leiknum). Vinsamlegast munið að Supporter áskrift kemur ekki í veg fyrir bann á spjallinu, og Supporter fítusar eru ekki endurgreiddir ef um slíkt bann er að ræða.
Ákvarðanir spjallstjórnenda (MOD) er hægt að áfrýja til æðri stjórnenda (senior MOD) sem taka lokaákvörðun. Athugið að refsingar geta þyngst eða lækkað við áfrýjunina.
Á spjallrásum Hattrick verður þú að fylgja öllum reglum okkar um hegðun. Ennfremur er ekki leyfilegt að:
- Senda ruslpóst, t.d. sömu skilaboðin send margsinnis.
- Ýta upp þráðum (skrifa eitthvað einungis til þess að vekja athygli á sjálfum þér eða tilteknum þræði).
- Vera með áreitni og ögranir í skilaboðum.
- Nota blótsyrði eða háðulegt orðbragð.
- Birta kynþáttahatur, karl/kvenrembu eða persónulegar árásir; árásir á tiltekið land eða trúarbrögð.
- Birta pólitískar og trúarlegar umræður
- Ásaka aðra um svindl (notaðu report cheaters í staðinn).
- Biðja um hjálp til að ná í eða kynna ólögleg forrit eða CD lykla forrits, eða biðja um torrenta og/eða streymi frá (íþrótta) viðburðum.
- Þykjast vera starfsmaður HT þegar þú ert það ekki
- Ræða ákvarðanir teknar af starfsmönnum um tiltekna notendur eða tilvik, eða birta samtöl við HT starfsmenn án leyfis.
- Nota (mannlausa) opinbera spjallþræði eins og þú mundir nota bandalagsþræði. Vinsamlegast virðið það að deildar- og unglingadeildarþræðir eru notaðir til samskipta milli meðlima í þeim deildum og þó gestir séu velkomnir, þá er þeim ekki heimilt að nota þræðina fyrir málefni sem kemur deildunum ekkert við.
Bandalagsspjall
Spjallborð fyrir bandalög (Supporter áskrift) eru ætluð til að vera frekar einkarekinn hluti af Hattrick, þar sem meðlimir bandalagsins geta rætt um það sem tengist því og geta sett upp sínar eigin reglur. Í bandalögunum er hinvegar ekki leyft að:
- pósta neinu sem er talið ólöglegt samkvæmt lögum (þ.m.t. tenglar á ólöglegt efni og raunverulegar hótanir)
- að nota bandalag sem grundvöll til að koma á framfæri hatursáróðri
- Skipuleggja eða ákveða athafnir sem eiga vísvitandi að ráðast gegn eða ögra öðrum notendum, ásamt starfsfólki Hattrick
- að birta nein skrifleg samskipti starfsmanna nema með skýru samþykki Hattrick starfsmanna
Fyrir önnur hegðunartengd mál eru stofnendur bandalaganna ábyrgir og hafa þeir kosti til að eiga við þau. Þeir hafa möguleika á að eyða út óviðeigandi skilaboðum og geta fjarlægt meðlimi úr bandalaginu og geta einnig útnefnt bandalagsstjórnendur til að aðstoða þá á spjallþræði bandalagsins. Á sama tíma getur þú einnig valið að yfirgefa bandalagið sjálfviljugur til að forðast stigmagnandi deilur.